Спомен-костурница — споменик посветен на победата над фашизмот, односно на борбата на македонскиот народ во НОБ, кој се наоѓа на главниот плоштад во Куманово. Споменикот претставува жена со високо дигнати раце, која држи венец. Споменикот е дело на видниот хрватски вајар Коста Ангели Радовани[1]. Поставен бил во 1951 година. Овој споменик е симбол на градот и се наоѓа во општинскиот грб.