Синдикат на работниците од управата, правосудните органи и здруженија на граѓани
Синдикатот на работниците од управата, правосудните органи и здруженијата на граѓани (познат како УПОЗ и Синдикат на УПОЗ) е гранков синдикат на вработените во органите на државната управа, правосудните органи и здруженијата на граѓани. Формиран е на 5 април 1991 година.[1] Членува во Сојузот на синдикатите на Македонија. Од декември 2021 година претседател на УПОЗ е Трпе Деаноски .[2]
УПОЗ е организиран во околу 150 синдикални организации во органите на управата, правосудните органи и здруженијата на граѓани.
Синдикатот на УПОЗ е член на Меѓународната синдикална организација на синдикатите од јавните служби (Public Services International)[3] и во Европската синдикална организација на јавните служби (European Public Service Unions).[4]
УПОЗ е познат во јавноста особено по организираните штрајкови во правосудните органи за зголемување на платите во 1997 и 2000-2001 година, како генералниот штрајк на вработените од јавниот сектор во 2002 година.
Наводи[уреди | уреди извор]
- ↑ УПОЗ „Основни информации“
- ↑ УПОЗ „Претседател“
- ↑ PSI affiliated organisations
- ↑ „EPSU Affiliates“. Архивирано од изворникот на 2014-09-28. Посетено на 2014-09-20.