Нацртна геометрија е дисциплина од геометријата чија задача е тридимензионалните тела да ги претстави во дводимензионален простор со користење на соодветни методи. Оваа дисциплина наоѓа голема примена во инженерството, архитектурата, дизајнот и ликовната уметност.[1] За татко на нацртната геометрија се смета францускиот математичар Гаспар Монж, кој ја развил оваа техника на цртање во XVIII век.[2]
Проекцијата претставува теориска основа на нацртната геометрија. Со проектирање, просторните објекти се исцртуваат во соодветна проекциона рамнина. Добиениот лик зависи од перспективата од која го гледаме телото.