Институт за математика
Историја[уреди | уреди извор]
Институтот за математика при Природно-математичкиот факултет во Скопје е најстарата научно-наставна установа во Македонија која подготвува кадар од областа на математичките науки во сите степени на образованието: додипломски, постдипломски и докторски студии. Институтот е основан во далечната 1946 година како катедра по математика во рамките на Филозофскиот факултет во Скопје. Во почетокот наставата ја изведувале тројца професори и двајца соработници. Во 1958 прераснува во Институт за математика при новоформираниот Природно-математички факултет. Со реформите во 1977 година ИМ формира, заедно со другите катедри по математика од техничките факултети во Скопје, Математички факултет при Центарот за математичко-технички науки при Универзитетот Св."Кирил и Методиј" во Скопје. Во 1985 година, со повторните измени во ораганизацијата на Универзитетот, повторно е формиран Природно-математички факултет, a Математичкиот факултет преминува во Институт за Математика при овој факултет како негова посебна работна единица и како таква опстојува и денес.
Заводи[уреди | уреди извор]
Институтот за математика со децении ги следи современите текови во наставата по математика и светските достигнувања на математичките науки. Неговите членовите се занимаваат со истражувања од многу области на математиката и на применетата математика: Алгебра, Диференцијална геометрија, Топологија, Комплексни функции, Функционална анализа, Динамички системи, Диференцијални равенки, Фурјеова анализа, Актуарска математика, Стохастичко програмирање. Наставниците и соработниците на Институтот за математика според своите интереси во научно-истражувачката и наставно-научната работа се организирани во четири заводи: Завод за алгебра и геометрија, Завод за анализа, Завод за топологија и Завод за применета математика.
Библиотека[уреди | уреди извор]
Институтот располага со богата библиотека која брои над 25.000 наслови на математичка литература, како и огромен број периодични списанија од целиот свет. Голем дел од списанијата се добиени преку размена за списанијата
- Mathematica Macedonica Архивирано на 2 јули 2013 г.
- Годишен зборник Архивирано на 1 јули 2015 г.
- BULLETIN MATHÉMATIQUE DE LA SOCIÉTÉ DES MATHÉMATICIENS DE LA RÉPUBLIQUE MACÉDOINE Архивирано на 1 јули 2015 г.
Прв циклус студии[уреди | уреди извор]
Во моментов, институтот ги нуди следниве насоки на првиот циклус студии (додипломски студии):
- Наставна математика
- Студентот се стекнува со звање: „Дипломиран професор по математика“
- Теориска математика
- Студентот се стекнува со звање: „Дипломиран математичар“;
- Двопредметни студии по математика-физика
- Студентот се стекнува со звање: „Дипломиран професор по математика-физика за основното образование"
- Двопредметни студии по математика-информатика
- Студентот се стекнува со звање: Дипломиран инженер по математика-информатика
- Применета математика со поднасоките:
- Математичко програмирање
- Студентот се стекнува со назив: Дипломиран инженер по математичко програмирање
- Математичка економија
- Студентот се стекнува со назив: Дипломиран инженер по математичка економија
- Индустриска математика
- Студентот се стекнува со назив: Дипломиран инженер по индустриска математика
- Математичко програмирање
Сите студиски програми траат осум семестри. На институтот е целосно имплементиран европскиот кредит трансфер систем.
Втор циклус студии[уреди | уреди извор]
Вториот циклис студии по математика (магистерски студии) им овозможуваат на студентите да ги профилираат своите знаења во специјалности, зависно од нивните лични желби и/или од општествените потреби. Со завршувањето на магистерските студиии студентите се стекнуваат со звањето магистер по математика и примени.
Надворешни врски[уреди | уреди извор]
|