Илјада цветови (поезија)
„Илјада цветови“ — збирка со избор од поезијата за деца на македонскиот писател Видое Подгорец.
Содржина[уреди | уреди извор]
Збирката содржи избор од 7 стихозбирки за деца од дотогашната поезија на писателот, и претставува шеста книга од неговите собрани дела. [1]
Во неа се застапени избор од дотогашните стихозбирки, и тоа според содржината ставени се:
- Што е тоа татковина
- Илјада цветови на една гранка
- Нови песни
- Горско кладенче
- Облак над езерото
- Прела баба
- Сказна за штурецот
Изданија[уреди | уреди извор]
Првото издание Илјада цветови било на НИК Наша книга во 1969 година. [2]
Осврт кон делото[уреди | уреди извор]
За поезијата на Подгорец може да се каже дека е исклучително лирична или како што Миодраг Друговац има кажано за авторот, „ткае со срмен збор со лирска топлина, непосредност и впечатливост“. Во збирката пее за татковината, природата, децата, животните, растенијата...„Неговото творештво не е само обемно туку и тематски и мотивски разновидно. Тој е еден од оние автори кој на едноставен и интересен начин го приближуваат своето доживување на пример на летниот или зимскиот пејзаж, детската игра, волшепството на сонот, магијата на денот и ноќта, поврзаноста на човекот со природата, итн. “ [3]
Наводи[уреди | уреди извор]
- ↑ Видое Подгорец, Илјада цветови. Скопје: НИК Наша книга, 1969,, книга 6
- ↑ Видое Подгорец, Илјада цветови. Скопје: НИК Наша книга, 1969,, книга 6
- ↑ И сончогледите спијат, Видое Подгорец, Скопје, Македонска книга, Детска радост, Култура, Мисла, Наша книга , 1987, стр.99-103 Разговор за делото од Миодраг Друговац