Дино Имери
Дино Имери (1990, Скопје, Република Македонија) — македонски пијанист исто така познат како "волшебникот на пијаното"[1]. Тој е прогласен за Најдобар Уметник на УКИМ[2] за 2022 година - признание кое може да се стекне еднаш во кариерата.
Музичко образование и кариера[уреди | уреди извор]
Дино Имери е роден во Скопје. Во текот на својата кариера остварил бројни настапи со повеќе оркестри и камерни ансамбли, како: Македонската филхармонија, Софиската филхармонија, Стразбуршката филхармонија, Симфонискиот и камерен оркестар на ФМУ, Македонската опера и балет, Камерниот оркестар на Музичката младина на Македонија, ID Chamber Orchestra итн. Исто така, остварил рецитали на повеќе престижни музички сцени, како што се: „Ватрослав Лисински“ во Загреб, Палатата „Естерхази“ и „Лист-центрум“ во Австрија, „Пијано плаж фестивал“ во Франција, Скопско лето, Охридско лето, Интерфест — Битола итн. Покрај тоа, Имери снимил неколку дискографски изданија, а добитник е и на повеќе награди и признанија. Во 2018 година станал доцент на Факултетот за музичка уметност во Скопје,[3] а во 2023 година се стекнува со звање вонреден професор[4].
Наводи[уреди | уреди извор]
- ↑ idninado. „Дино Имери“. Иднина Дома (англиски). Посетено на 2024-05-03.
- ↑ Nena (2023-11-13). „Дино Имери најдобар уметник на УКИМ за минатата година“. Република. Посетено на 2024-05-03.
- ↑ „Концерт на Стојан Димов и Дино Имери“, 61 Фестивал Охридско лето / Ohrid Summer Festival.
- ↑ Умно.мк, од (2023-11-11). „УКИМ ги награди најдобрите научници - УМНО.МК“. Посетено на 2024-05-03.