Дарко Георгиевски
Лични податоци | |||
---|---|---|---|
Име и презиме | Дарко Георгиевски | ||
Роден(а) |
3 февруари 1992 Скопје, Македонија | ||
Националност | Македонец | ||
Спорт | Ракомет | ||
Висина | 1,92 м[1] | ||
Тежина | 95 кг[1] | ||
Позиција | Лев бек | ||
Клупски податоци | |||
Тековен клуб | РК Охрид 2013[1] | ||
Број | 39 | ||
Сениорски клубови | |||
2008–2009 2009–2012 2012–2013 2013–2014 2014–2016 2016–2017 2017–2018 2018–2019 2019- |
МРК Вардар Скопје РК Вардар РК Куманово РК Пелистер РК Монтелимар Круаз РК БАУХБ Белфор РК Ред Бојс РК Охрид 2013 Ангерс СЦО | ||
Дарко Георгиевски (3 февруари 1992 година, Скопје) ― македонски ракометен играч кој игра за РК Охрид 2013.[2] Во 2018 година бил повикан во Македонската ракометна репрезентација за Средоземните игри во Тарагона,Шпанија.[3]
Образование[уреди | уреди извор]
Негови родители се Бранко и Соња Георгиевски, а има и браќа Никола и Борјан Георгиевски. Своето основно образование го завршил во ОУ „Св.Климент Охридски“ во Драчево, а средно образование завршил во гимназијата СУГС „Браќа Миладиновци“ - Скопје, во Драчево. Своето високо образование го продолжил на Славјанскиот Универзитет во Свети Николе.
Кариера[уреди | уреди извор]
Својата спортска кариера ја започнал на 12 години. Најнапред започнал да тренира во основното училиште ОУ „Св.Климент Охридски“ во Драчево под раководство на професорот по физичко и здравствено образование. Прв клуб во кој ги направил своите први ракометни чекори е клубот РК Вардар од Скопје каде во младинска категорија го тренирал тренерот Игор Котевски, поранешен македонски репрезентативец.
Професионалната ракометна кариера му започнала на 16 години, во сезоната 2008/2009 во МРК Вардар Скопје.
Сезоната 2010/11 бил преместен во екипата на РК Вардар и потпишал четиригодишен договор по инсистирање на тогашниот тренер Љубомир Савевски. Следната сезона, 2011/2012, бил пратен на позајмица во РК Куманово. Таму поминал две сезони сè до 2013 година. Истата сезона се преселил во РК Пелитер од Битола. Добрите игри во плеј-офот на сезоната му помогнале да биде забележан од страна на ракометен агент од Франција и го искусил првото меѓународно искуство потпишувајќи за Монтелимар Крија[4] , француска екипа која играла во третата лига во француското ракометно првенство.[5] Во Монтелимар останал две сезони, сè до 2016 година. Потоа потпишал во БАУХБ Белфор, Франција. По завршувањето на играчката 2016/2017 сезона, Дарко се решил да одговори на повикот на првиот ракометен мастер тренер во Македонија, Данило Брестовац и да соработуваат во РК Ред Бојс од Диферданж, Луксембург.
Во периодот од 24 јуни до 1 јули 2018, Дарко Георгиевски со Македонската ракометна репрезентација настапил на 18-те Средоземни игри што се одржале во Тарагона,Шпанија. Нашата машка репрезентација на игрите ги отворила на 23 јуни со натпревар против Турција, a ден подоцна играла со Египет, а во групната фаза се сретнала и со селекцијата на Србија.[6]
Моментално игра за РК Охрид 2013 и има важечки договор до крајот на играчката 2018/2019 сезона .
Настапи во Европа[уреди | уреди извор]
- Во сезоната 2008/2009 со клубот МРК Вардар Скопје, Дарко Георгиевски играл во Челинџ Куп на Европа;[7]
- Во сезоната 2009/2010 со клубот МРК Вардар Скопје, Дарко Георгиевски играл ЕХФ Куп на Европа;[7]
- Во сезоната 2010/2011 со клубот РК Вардар ПРО, Дарко Георгиевски играл во CUP WINNERS' CUP на Европа;[7]
- Во сезоната 2011/2012 со клубот РК Вардар ПРО, Дарко Георгиевски играл во ЕХФ Куп на Европа;[7]
- Во сезоната 2012/2013 со клубот РК Куманово, Дарко Георгиевски играл во ЕХФ Куп на Европа;[7]
- Во сезоната 2017/2018 со клубот HC Red Boys Differdange, Дарко Георгиевски играл во Челинџ Куп на Европа;[8]
Наводи[уреди | уреди извор]
- ↑ 1,0 1,1 1,2 [1](англиски)
- ↑ Охрид се засили со бекот Дарко Георгиевски[мртва врска]
- ↑ Список на машката прпрезентација на Македонија за Средоземните игри 2018[мртва врска]
- ↑ „Дарко Георгиевски потпиша за Мотелимар Крија“. Архивирано од изворникот на 2021-09-21. Посетено на 2018-11-05.
- ↑ Дарко Георгиевски ќе игра во трета лига во Франција
- ↑ JOCS MEDITERRANIS TARRAGONA 2018[мртва врска]
- ↑ 7,0 7,1 7,2 7,3 7,4 EHF
- ↑ SofaSkore
Надворешни врски[уреди | уреди извор]
- Профил на Дарко Георгиевски на eurohandball.com