Битката кај Курапедион (грчки: Κούρου πεδίον; латински: Kurupedion) (281 г.пне) била последната голема битка во епохата на дијадосите; се одиграла на рамнината Курапедион во Лидија близу Сарди во денешна Турција, меѓу Лизимах и Селевк, за кралскиот престол во Македонија. Во Битката загинува Лизимах кој, како крал на Македонија (284–281), во овој период успева да ја наметне власта во Tесалија, Фокида и Етолија. Победникот Селевк (последниот од дијадосите, основач на династијата Селевкиди, која владее со азијскиот дел) истата година е убиен од Птолемај Кераун, син на Птолемај Лаг, еден од дијадосите, кој го владее Египет, основачот на династијата Птолемаиди.[1][2]