Јордан Јаневски

Јордан Јаневски
Роден	29 јануари 1933 Скопје, Кралство Југославија
Починал	15 ноември 1999 Скопје, Македонија
Националност	Македонец
Занимање	тонснимател

Јордан Јаневски (роден на 29 јануари 1933 година во Скопје - починал на 15 ноември 1999 година во Скопје) — македонски тонснимател и тонски монтажер.

Животопис

Јордан Јаневски основно и средно техничко образование завршил во Скопје. Во 1950 година започнал да работи во „Вардар филм“, каде што останал да работи сè до своето пензионирање во 1991 година. За професијата тон-снимател стручно се оспособил низ работата на филмовите што ги реализирала младата македонска кинематографија, а потврда за својот квалитет добил на Фестивалот на југословенскиот документарен и кусометражен филм, Белград '92, каде за тонска обработка на филмот „Огнена бригада“ е добитник на наградата Златен медал - Белград. Неговата филмографија (127 единици) би била побогата доколку се земе предид неговиот ангажман како асистент тон-снимател во почетокот на македонското филмско производство и работата надвор од матичната институција „Вардар филм“.